Read Time : < 1 मिनेट
२o८१ बैशाख २४ सोमबार १७:२१:oo
सप्तरीको अग्निसाइर कृष्णासवरन गाउँपालिका– ६ मा आइतबारे मिलको फितामा कपाल बेरिएर एक युवतीको ज्यान गएको छ ।
स्थानीय १७ वर्षाीया नेमियाकुमारी पण्डितको मिलको फितामा कपाल बेरिएर ज्यान गएको इलाका प्रहरी कार्यालय कञ्चनपुरका प्रमुख डिएसपी नरेशकुमार सिंहले बताए । प्रहरीका अनुसार नेमिया आफैँ मिल चलाइरहेको वेलामा फित्तामा कपाल बेरिन पुगेकी थिइन् ।
फितामा कपाल बेरिएर गम्भीर घाइते भएकी नेमियाको घरमै मृत्यु भएको प्रहरीले जनाएको छ । आइतबार बिहान करिब ११ बजे मिल चलाउने क्रममा नेमिया घाइते भएपछि घरका आफन्तले सुरुमा घटना लुकाउने प्रयास गरेका थिए ।
घरनजिकै माटो भर्ने काम गरिरहेका ट्रयाक्टरचालकले घटनाबारे प्रहरीलाई खबर गरेपछि घटनाको अनुसन्धान भइरहेको छ । शवलाई पोस्टमार्टमका लागि गजेन्द्रनारायण सिंह अञ्चल अस्पताल पठाइएको प्रहरीले जनाएको छ ।