दुई साताअघि थपिएको प्रहरी अतिरिक्त महानिरीक्षक (एआइजी) पदमा डिआइजी विश्वराज पोखरेलको बढुवा सिफारिस भएको छ । गृहसचिव महेश्वर न्यौपानेको अध्यक्षतामा सोमबार बसेको बैठकले उनको नाम सिफारिस गरेको हो ।
उनलाई नै बढुवा गर्न दुई साताअघि सरकारले एआइजीको दरबन्दी थप गरेको थियो । गृह मन्त्रालयको प्रस्तावविना नै उपप्रधानमन्त्री ईश्वर पोखरेलको प्रस्तावमा दरबन्दी थप भएको थियो । उपप्रधानमन्त्री पोखरेल र डिआइजी पोखरेल नातेदार हुन् ।
हालका प्रहरी महानिरीक्षकपछि पोखरेललाई आइजिपी बनाउन दरबन्दी नै थपेर बढुवा गरिएको स्रोत बताउँछ । यसले प्रहरी संगठनलाई भने कमजोर बनाउने प्रहरी अधिकारीको चिन्ता छ ।
यसअघि पनि दुई ब्याच मिचेर उनलाई डिआइजीमा एकल बढुवा गरिएको थियो ।