Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ कार्तिक १० सोमबार
  • Monday, 26 October, 2020
ad
रासस/एएनआई वासिङ्टन
२०७७ असोज १ बिहीबार १४:३४:००
कोरोना अपडेट डिजिटल संस्करण

अमेरिकामा अक्टोबरदेखि कोरोनाविरुद्धको खोप बाँड्न सकिन्छ : ट्रम्प

रासस/एएनआई वासिङ्टन
२०७७ असोज १ बिहीबार १४:३४:००

अमेरिकी राष्ट्रपति डोनाल्ड ट्रम्पले आगामी अक्टोबरसम्ममा कोरोना भाइरसविरुद्धको खोप अमेरिकामा वितरण गर्न सकिने बताएका छन् । 

उनले अक्टोबरमा देशभरि नै खोप वितरण गर्न सकिने सम्भावना रहेको जानकारी दिएका हुन् । 

सन् २०२० को अन्त्यसम्ममा १० करोड खोप वितरण गर्ने तयारी भइरहेको उनले बताए । 

‘कोरोना भाइरसविरुद्धको खोप तयार हुँदै छ, हामी आगामी अक्टोबर महिनामा त्यसलाई वितरण गर्न सक्ने अवस्थामा पुग्ने विश्वास लिएको छु, यो सबैका लागि धेरै उपयोगी र प्रभावकारी हुनेछ,’ उनले भने । 

उनले कहिलेदेखि वितरण गर्न सकिन्छ भन्ने चाँडो घोषणा गर्ने तयारी भइरहेको उल्लेख गरे । 

अक्टोबरको मध्यसम्ममा कोरोनाविरुद्धको खोप प्रयोगमा आउने अनुमान गर्दै उनले केही गरी ढिला भएमा केही दिन मात्रै ढिला हुन सक्ने बताए ।

कोरोना नियन्त्रणका प्रयासहरू आफूले जतिसक्दो छिटो गरिरहेको दाबी गर्दै राष्ट्रपति ट्रम्पले डेमोक्य्राटतर्फका आफ्ना प्रतिस्पर्धीले भने त्यसलाई रोक्न सक्ने आरोप पनि लगाए ।    

कोरोना भाइरसबाट अति प्रभावित भएको अमेरिकामा अहिलेसम्म ६६ लाख १६ हजार चार सय ५८ जना संक्रमित भएका छन् भने कोरोनाकै कारण एक लाख ९६ हजार चार सय ३६ जनाको मृत्यु भएको छ ।