विवाद समाधानका लागि गठित नेकपा कार्यदलको प्रतिवेदनप्रति माधव नेपालले असन्तुष्टि जनाएका छन् । कार्यदलको प्रतिवेदन समस्या पन्छाउने साधन बन्न नहुने भन्दै नेपालले पार्टीभित्रका सम्पूर्ण समस्या समाधान गर्ने खालको हुनुपर्नेमा जोड दिएका छन् ।
बिहीबारको नेकपा सचिवालय बैठकमा नेता नेपालले भनेका छन्, ‘प्रतिवेदनमा धेरै कुराहरू अमूर्त र अपूर्ण छन् । यो जस्ताको तस्तै पास गर्न सकिँदैन । धेरै कुरा सच्याउन जरुरी छ ।’