Skip This
सप्तरीको हनुमाननगर कंकालिनी नगरपालिका–८, जोगिनियाबाट ३०२ किलोभन्दा बढी लागुऔषध गाँजा बरामद भएको छ।
इलाका प्रहरी कार्यालय हनुमाननगरबाट खटिएको प्रहरी टोलीले १२ वटा बोरामा राखिएको उक्त गाँजासहित हनुमाननगर कंकालिनी–७, मुखिया टोल बस्ने ५३ वर्षीय माधुरी मुखियालाई पक्राउ गरेको हो।
बरामद गरिएको गाँजा मुखियाको रहेको खुलेपछि पक्राउ गरिएको जिल्ला प्रहरी कार्यालय सप्तरीका प्रवक्ता प्रहरी नायब उपरीक्षक हेमराज घिमिरेले जानकारी दिए। मुखियामाथि सप्तरी जिल्ला अदालतबाट ३ दिनको म्याद थप गरी अनुसन्धान सुरु गरिएको उनले बताए।
यसअघि साउन २२ गते राति राजगढ गाउँपालिका–१ स्थित नहर छेउबाट १९० किलो गाँजा र साउन ६ गते राति हनुमाननगर–रामपुरा मल्हनियाँ हुँदै ३ वटा गाडीमा भारततर्फ लैजाँदै गरिएको ३३ क्विन्टल ३२ किलो गाँजा बरामद भएको थियो।
