- वि.सं २o८२ भदौ २७ शुक्रबार
जेन–जी आन्दोलनका कारण लागेको कर्फ्यु नवलपुरमा आजबाट हटेको छ । जिल्ला प्रशासन कार्यालय नवलपुरले आज एक सूचना जारी गर्दै कर्फ्यु हटेको जनाएको छ ।
नवलपुर जिल्लामा लागू भएको कर्फ्यु आज बिहान ७ बजेबाट हटाइएको प्रशासनले जनाएको छ । कर्फ्यु हटेसँगै बजार बिस्तारै खुल्न थालेको छ भने यहाँको जनजीवन बिस्तारै सामान्य बन्दै जान थालेको छ ।
कर्फ्यु हटे पनि निषेधाज्ञा भने जारी रहेको सूचनामा जनाइएको छ । निषेधाज्ञाको समयमा पाँचजनाभन्दा बढी जम्मा भई धर्ना, जुलुस, र्यालीजस्ता कुनै पनि गतिविधि गर्न नपाइने जनाइएको छ ।
