- वि.सं २o८२ असार २८ शनिबार
बुर्तिबाङ अस्पतालमा सुत्केरी हुन नसकेपछि दुईजना गर्भवतीको हवाई उद्धार गरिएको छ ।
जिल्ला प्रहरी कार्यालयका प्रहरी उपरीक्षक तिलक भारतीका अनुसार ढोरपाटन नगरपालिका–८ की ३८ वर्षीया हुमी विक र सोही नगरपालिका–५ की २३ वर्षीया देवी सुनारलाई हवाई उद्धार गरेर काठमाडौं पठाइएको हो ।
नेपाल सेनाको हेलिकोप्टरबाट उनीहरूलाई थापाथलीस्थित परोपकार प्रसूति गृह तथा स्त्री रोग अस्पतालमा भर्ना गरिएको छ ।
