- वि.सं २o८२ असार २० शुक्रबार
बेष्ट फाइनान्सको २८औँ वार्षिक साधारणसभा काठमाडौंमा सम्पन्न भएको छ । बुधबार सम्पन्न सभाले गत आर्थिक वर्षको वार्षिक प्रतिवेदन तथा उपयुक्त बैंक तथा वित्तीय संस्थासँग गाभ्ने–गाभिने तथा प्राप्ति गर्नेलगायतका प्रस्ताव पारित गरेको छ ।
सभाले प्रा.डा. रामजी गौतम, सुशीला खनाल, रामचन्द्र देवकोटा, खिमलाल पौड्याल, रामलाल श्रेष्ठ र विष्णुप्रसाद ज्ञवालीलाई निर्विरोध सञ्चालक समितिमा निर्वाचित गरेको छ ।
फाइनान्सले आफ्ना सेयरधनी, ग्राहक, नियामक निकाय तथा सरोकारवालाप्रति आभार व्यक्त गर्दै भविष्यमा अझ प्रभावकारी र नवीनतम सेवा प्रदान गर्दै जाने लक्ष्य लिएको छ ।
