- वि.सं २o८२ जेठ ३० शुक्रबार
एमालेनिकट विद्यार्थी संगठन अनेरास्ववियुको अध्यक्षमा डा. सुजन कडरिया निर्वाचित भएका छन् । बिहीबार मध्यराति सम्पन्न मतगणनामा प्रतिस्पर्धी प्रकाश पौडेललाई सात मतान्तरले पराजित गर्दै कडरिया अध्यक्षमा निर्वाचित भएका हुन् । कडरियाले ७३२ मत पाउँदा पौडेलले ७२५ मत ल्याएका थिए ।
उपाध्यक्षमा विकास श्रेष्ठ र महिला उपाध्यक्षमा अञ्जना सिवाकोटी निर्वाचित भएका छन् । महासचिवमा दीपक धामी र उपमहासचिवमा कमल जोशी निर्वाचित भएका छन् । १५५१ मतदाता रहेको अखिलमा १४५० मत खसेको थियो । यसपालि अनेरास्ववियुले नेतृत्वका लागि ३२ वर्षीय उमेरहद कायम गरेको थियो ।
