- वि.सं Invalid date format
चेरि ओमोडा एन्ड जेइको ब्रान्डको नेपालका लागि आधिकारिक वितरक एसपिजी अटोमोबाइल्स ‘चेरी इन्टरनेसनल ग्लोबल डिलर कन्फरेन्स २०२५’मा ‘इभी पायोनियर अवार्ड’द्वारा सम्मानित भएको छ । चीनको आन्हुई प्रान्तस्थित वुहु सहरको ‘यिजिउ इन्टरनेसनल एक्स्पो सेन्टर’मा आयोजित कार्यक्रममा चेरी होल्डिङ ग्रुप कम्पनीका उपाध्यक्ष सु हुईले एसपिजी अटोमोबाइल्सका निर्देशन गौरव शारडालाई सो अवार्ड हस्तान्तरण गरेका थिए ।
१२० भन्दा बढी देशका तीन हजारभन्दा बढी डिलरको सहभागिता रहेको अन्तर्राष्ट्रिय सम्मेलनले अटोमोबाइल क्षेत्रका उपलब्धि प्रदर्शन गर्ने तथा विभिन्न रणनीतिक विचार अन्तर्राष्ट्रिय साझेदारसँग आदानप्रदान गर्ने अवसर प्रदान गर्यो । सम्मेलनमा वुहु नगरपालिका सरकारका वरिष्ठ अधिकारीहरू, चेरी इन्टरनेसनलका प्रमुख कार्यकारी अधिकृत यिन तोङयुए, र चेरी इन्टरनेसनलका महाप्रबन्धक झाङ गुइबिङआदिको विशिष्ट उपस्थिति रहेको थियो ।
एसपिजी अटोमोबाइल्सलाई नेपालमा ओमोडा एन्ड जेइकोको विद्युतीय सवारीसाधनको उपस्थितिलाई सफलतापूर्वक स्थापित गर्नमा उल्लेखनीय बजार पर्फर्मेन्सका लागि यो ‘इभी पायोनियर अवार्ड’ प्रदान गरिएको हो ।
ओमोडा एन्ड जेइकोले सन् २०२४ मा नेपालमा ‘ओमोडा ई–फाइभ’ इभी सार्वजनिक गर्दै आधिकारिक रूपमा नेपाली बजारमा प्रवेश गरेको थियो । ‘एसपिजी अटोमोबाइल्सले पहिलो वर्षमै नेपालमा ८०० भन्दा बढी ओमोडा र जेइकोका गाडी सफलतापूर्वक बिक्री गरी उल्लेखनीय उपलसब्धि हासिल गरेको छ ।
