
लुम्बिनी प्रदेशका नवनियुक्त मुख्यमन्त्री चेतनारायण आचार्यको शपथग्रहण बुधबार हुने भएको छ । प्रदेश प्रमुख कार्यालयका प्रवक्ता धर्मा अर्याल बेलवासेका अनुसार बुधबार बिहान साढे ८ बजेका लागि शपथग्रहणको कार्यक्रम तय भएको छ । बुटवलस्थित प्रदेश प्रमुखको कार्यालयमा शपथग्रहण कार्यक्रम हुने भएको हो ।
कांग्रेस र एमालेका ५६ सांसदको समर्थनमा एमाले संसदीय दलका उपनेता आचार्यलाई सोमबार मुख्यमन्त्री नियुक्त गरिएको हो । प्रदेश प्रमुख अमिक शेरचनले अर्घाखाँची क्षेत्र नं.१(१)बाट निर्वाचित आचार्यलाई नियुक्त गरेका हुन् । संसदमा एमालेका २९ र कांग्रेसका २७ सांसद छन् ।