रुखमा बाँधेर आगो लगाई हत्या गरेको अवस्थामा शव फेला

Read Time : < 1 मिनेट

इन्द्रबहादुर थापा, काभ्रे

नयाँ पत्रिका

२o८१ जेठ ७ सोमबार ११:११:oo

काभ्रेको पाँचखाल नगरपालिकास्थित बिराजे खोल्छा जंगलमा रुखमा बाँधेर आगो लगाएर हत्या गरेको अवस्थामा शव फेला परेको छ ।

जिल्ला प्रहरी कार्यालय काभ्रेका अनुसार पाँचखाल नगरपालिका– ४ जिरोकिलोस्थित मेलम्ची जिरोकिलो सडकखण्डबाट अन्दाजी ५० मिटर तल बिराजे खोल्चा जंगलमा नाम, थर, वतन नखुलेको अन्दाजी वर्ष २५ को जस्तो देखिने पुरुषको मुख र छातीमा फलामको तारले रुखमा बाँधेर आगो लगाएको अवस्थामा शव फेला परेको हो ।

स्थानीयबाट खबर प्राप्त हुनासाथ प्रहरीको टोली घटनास्थल पुगेको थियो । अहिले घटनास्थललाई सुरक्षित राखिएको प्रहरीले जनाएको छ । शव १५–२० दिनको जस्तो सडेगलेको अवस्थामा रहेको प्रहरीको भनाइ छ । प्रहरीले घटनाबारे थप अनुसन्धान गरिरहेको छ ।

#शव