Read Time : < 1 मिनेट
२o८१ बैशाख १९ बुधबार १२:२१:oo
कपिलवस्तुमा एक पुरुषको शव फेला परेको छ। जिल्लाको मायादेवी गाउँपालिका– २ अभिरावस्थित मदरसाको कोठाभित्र हत्या गरी बाँधेर फालिएको अवस्थामा शव फेला परेको प्रहरीले जनाएको छ।
अभिरावस्थित मदरसामा हातखुट्टा बाँधेर कुटपिट गरी हत्या गरिएको अवस्थामा शव शुक्रबार बिहान फेला परेको हो। मोटरसाइकलमा आएका तीनजनाको समूहले भारत सिद्धार्थनगर जिल्ला पोखरभिटवाका– ४२ वर्षीय जमाल अहमदको अपहरणपश्चात हत्या गरेको जनाइएको छ।
शंका लागेर नियन्त्रणमा लिइएका तीनजनाको समूह नै हत्यामा संलग्न रहेको पाइएको प्रहरी नायब उपरीक्षक हरिबहादुर वलीले बताए। घटनाको बारेमा थप अनुसन्धान भैरहेको वलीको भनाइ छ।
