ललितपुरको ढोलाहिटीमा ग्याङफाइट हुँदा दुईजनाको मृत्यु, १८ जना प्रहरीको नियन्त्रणमा

Read Time : < 1 मिनेट

नयाँ पत्रिका, ललितपुर

नयाँ पत्रिका

२o८१ जेठ २ बुधबार o९:o९:oo

गएराति ललितपुर महानगरपालिका– २६ स्थित ढोलाहिटीमा दुई समूहबीच ग्याङफाइट हुँदा दुईजनाको मृत्यु भएको छ । राति ९ बजेतिर भएको घटनामा धरान घर भई हाल ढोलाहिटी बस्ने २८ वर्षीय रोवस राई र पाँचथर घर भई खुमलटार बस्ने ३० वर्षका पुजन राईको मृत्यु भएको छ ।

जिल्ला प्रहरी परिसर ललितपुरका प्रवक्ता, प्रहरी उपरीक्षक नरेशराज सुवेदीका अनुसार मृतकहरूको शव पाटन र सुमेरू अस्पतालमा राखिएको छ भने घटनाको अनुसन्धान भइरहेको छ ।

सो घटनामा संलग्न १८ जनालाई प्रहरीले नियन्त्रणमा लिएको छ । घटनास्थलबाट प्रहरीले चुप्पी बरामद गरेको छ ।

#ग्याङफाइट