- वि.सं २o८१ बैशाख २० बिहीबार
रेस्टुरेन्टको शौचालयमा महिलाको गोप्य तस्बिर तथा भिडियो खिचेको आरोपमा पक्राउ परेका सशस्त्र प्रहरी बलका तुलसिंह केसीलाई अदालतले २५ हजार रुपैयाँ धरौटीमा छाड्ने आदेश दिएको छ।
जिल्ला अदालत काठमाडौंका न्यायाधीश हिमलाल बेल्बासेको इजलासले केसीलाई धरौटीमा छाड्न आदेश दिएको हो। डिएसपी केसी गत ५ फागुनमा स्वयम्भुस्थित रेस्टुरेन्टबाट पक्राउ परेका थिए।
रेस्टुरेन्टमा आएकी एक युवती शौचालयमा गएका वेला बाथरुमको माथिल्लो खुला भागबाट उनले मोबाइलबाट तस्बिर तथा भिडियो खिचेका थिए। जसविरुद्ध महिलाले उजुरी दिएकी थिइन्।
मुलुकी अपराधसंहिताको दफा १२१ अनुसारको कसुरअनुसार केसीविरुद्ध आइतबार मुद्दा दायर भएको थियो।
