१२ लाख चालक अनुमतिपत्र (स्मार्ट लाइसेन्स)मध्ये ६ लाख कार्ड नेपाल आइपुगेको छ।
जर्मनीको मूलबर्ग कम्पनीले पहिलो खेपमा ६ लाख कार्ड ल्याएको यातायात व्यवस्था विभागका महानिर्देशक उद्धवप्रसाद रिजालले जानकारी दिए।
गत वर्ष मूलबर्गसँग विभागले १२ लाख कार्ड छपाइका लागि सम्झौता गरेको थियो। सम्झौताअनुसार बाँकी ६ लाख कार्ड पनि ४५ दिनभित्र नेपाल आइपुग्ने बताइएको छ।
६ लाख प्रति कार्ड नेपाल भित्रिएसँगै अब लाइसेन्स वितरण सहज हुने अपेक्षा गरिएको छ।