- वि.सं २o८१ बैशाख २० बिहीबार
गुल्मीको तम्घासस्थित मैत्री बहुउद्देश्यीय सहकारी संस्था लिमिटेडको अध्यक्षमा रुरु क्षेत्र गाउँपालिका– ४ का शंकरप्रसाद गौतम सर्वसम्मत निर्वाचित भएका छन्। संस्थाको २२औँ साधारणसभाबाट नयाँ नेतृत्वमा गौतम निर्वाचित भएका हुन्।
संस्थाको उपाध्यक्षमा खुमानन्द घिमिरे, सचिवमा हरिप्रसाद पोख्रेल, सहसचिवमा ओमबहादुर कार्की, कोषाध्यक्षमा रामबहादुर कुँवर र सहकोषाध्यक्षमा सरिता सुनार विश्वकर्मा निर्वाचित भएका छन्।
यसैगरी, सदस्यहरूमा जंग नेपाली, चोलाराज शर्मा, पुष्पा अर्याल पन्थी, टेकबहादुर खत्री, तिलाचन पाण्डेय र जयबहादुर चुँदरा रहेका छन्।
नेतृत्व सम्हालेका गौतमसँग तत्कालीन जिल्ला विकास समितिमा १९ वर्ष र रेसुंगा नगरपालिकामा पाँच वर्ष काम गरेको अनुभव छ। केही समयअघि अधिकृत सातौँ तहबाट राजीनामा दिएर उनी सहकारीको अभियानमा जोडिएका हुन्।
