- वि.सं २o८१ बैशाख २० बिहीबार
पत्रकार लक्ष्मी पौडेल र लेखक नारायण नेपालले विवाहमा हुने खर्च कटाएर विद्यालयमा अक्षय कोष स्थापना गर्ने घोषणा गरेका छन् । मंसिर १८ गते नुवाकोटका नारायण नेपाल र नवलपरासीकी लक्ष्मी पौडेलले विनातामझाम परिवारको रोहवरमा विवाह गरे ।
लक्ष्मीले आफूले प्राथमिक शिक्षा अध्ययन गरेको पर्वतको विहादीस्थित जनता आधारभूत विद्यालय र नेपालले नुवाकोट बेलकाेटगढीस्थित आफ्नो स्वर्गीय बुबा ढुण्डीराज नेपालको पहलमा स्थापना भएको मालिका माध्यमिक विद्यालयमा ५०–५० हजारबराबरको अक्षय कोष स्थापना गर्ने घोषणा गरे ।
पछिल्लो समय भड्किलो बन्दै गएको विवाहलाई सुधार्नुपर्ने बताउँदै दुवैजनाले सरल तरिकाले विवाह सम्पन्न गरे । न महँगा कपडा न झकिझकाउ गरगहना । मात्र माला र टीका लगाएर दुई परिवार एक भएको घोषणा गरे ।
