Skip This
पक्राउ परेकाको साथबाट एक लाख २४ हजार दुई सय ९५ रुपैयाँ नगदसहित १६ गोटी कौडा बरामद
लमजुङको सुन्दरबजारमा कौडा खेल्दै गरेको अवस्थामा ११ जनालाई प्रहरीले पक्राउ गरेको छ । प्रहरीले सुन्दरबजार नगरपालिका– ६, खत्रीठाँटीमा घरधनी सुवास श्रेष्ठसहित जुवा खेल्दै गरेका ११ जनालाई बिहीबार राति पक्राउ गरेको हो ।
उनीहरूको साथबाट १६ गोटी कौडा, नगद एक लाख २४ हजार दुई सय ९५ रुपैयाँ बरामद गरेको जिल्ला प्रहरी कार्यालय लमजुङका सूचना अधिकारी थानेश्वर चपाईले बताए।
उनका अनुसार एकादशीको दिन हारजितको बाजी राखेर कौडा खेलिरहेको सूचना पाएपछि जिल्ला प्रहरी कार्यालय, इलाका प्रहरी कार्यालय भोटेओडार र सुन्दरबजारको प्रहरी टोलीले श्रेष्ठको घरमा छापा मारेको थियो । पक्राउ परेकाको अनुसन्धानका लागि आज म्याद थप अनुमति लिई अनुसन्धान गरिने प्रहरीले जनाएको छ ।
