Skip This
नियमित सञ्चालनका लागि दबाब दिन महोत्सवमै विमानस्थलको झल्को दिने प्रवेशद्वार
१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८o मङ्सिर १ शुक्रबार
  • Thursday, 18 July, 2024
२o८o मङ्सिर १ शुक्रबार १७:५७:oo
Read Time : < 1 मिनेट
ad
ad
ad
ad
अर्थ डिजिटल संस्करण

नियमित सञ्चालनका लागि दबाब दिन महोत्सवमै विमानस्थलको झल्को दिने प्रवेशद्वार

Read Time : < 1 मिनेट
नयाँ पत्रिका
२o८o मङ्सिर १ शुक्रबार १७:५७:oo

गौतम बुद्ध अन्तर्राष्ट्रिय विमानस्थल नियमित सञ्चालनका लागि दबाब दिन भैरहवामा हुन लागेको छैटाैँ लुम्बिनी प्रादेशिक महोत्सवमा विमानस्थलकै झल्को दिने गरी प्रवेशद्वार निर्माण सुरु गरिएको छ।

सरकारले अर्बाैँ खर्च गरेर बनाएको अन्तर्राष्ट्रिय विमानस्थल उद्घाटन भएको लामो सयम बितिसक्दा पनि नियमित सञ्चालनमा आउन नसकेपछि भैरहवाका उद्योगी–व्यवसायीहरूले महोत्सवस्थलको प्रवेशद्वार विमानस्थल र विमानको झल्को दिने गरी बनाएको उद्योग व्यापार संगठन रुपन्देहीका पूर्वअध्यक्ष नारायण भण्डारीले बताए।

‘हामी अहिले गौतम बुद्ध अन्तर्राष्ट्रिय विमानस्थल नियमित सञ्चालन हुन पर्दछ भन्ने मागसहित आन्दोलनमा छौँ। यसका लागि जहाँबाट पनि हामी सरकारको विरोध गर्दछौँ,’ भण्डारीले भने।

मंसिर ६ देखि १८ गतेसम्म भैरहवामा आयोजना गर्न लागेको प्रादेशिक महोत्सवका लागि पाँच लाख रुपैयाँ खर्च गरेर प्रवेशद्वार निर्माण गरेको महोत्सव आयोजक समितिका संयोजक तथा उद्योग व्यापार संगठन रुपन्देहीका अध्यक्ष दर्पण श्रेष्ठले बताए। ‘उद्घाटन भएर पनि हालसम्म नियमित सञ्चालनमा आउन नसकेको गौतम बुद्ध अन्तर्राष्ट्रिय विमानस्थल पूर्ण सञ्चालनका लागि दबाब दिन मेलाको प्रवेशद्वार हवाईजहाजको आकृतिमा निर्माण गरेका हौँ,’ उनले भने।

‘स्थानीय बजारमा खरिद गरौँ, स्थानीय बजारको प्रवर्द्धन गरौँ, स्वदेशी वस्तुको प्रयोग गरौँ, स्वाभिमानी नेपालीको पहिचान बचाऔँ’ भन्ने नाराका साथ सिद्धार्थनगर– ८ स्थित अञ्चलपुरमा महोत्सव हुँदै छ।

अन्तर्राट्र्रिय विमानस्थल नियमित सञ्चालनको माग गर्दै सिद्धार्थ सञ्जाल रुपन्देहीले पनि यसअगावै आन्दोलनका कार्यक्रम घोषणा गरिसकेको छ। सञ्जालले मंसिर २० गतेपछि चरणबद्ध आन्दोलनका कार्यक्रम सार्वजनिक गरेको सञ्जालका अध्यय अनिल ज्ञवालीले बताए।

गौतम बुद्ध अन्तर्राष्ट्र्रिय विमानस्थल बनेपछि रुपन्देहीको पर्यटन क्षेत्रको मुहार फेरिने आसमा बसेका पर्यटन व्यवसायीले विमानस्थललाई लक्षित गरी करिब ४० अर्ब रुपैयाँ होटेल क्षेत्रमा लगानी गरेका छन्। विमानस्थल नियमित सञ्चालन नहुँदा अहिले रुपन्देहीका ३० प्रतिशत होटेल बैंकको लिलामी प्रक्रियामा गइसकेको होटेल व्यवसायीको भनाइ छ।

ad
ad
ad
ad