Skip This
एकताबद्ध भएर प्रतिगामी षड्यन्त्र परास्त गर्छौँ : प्रधानमन्त्री 
१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८o मङ्सिर १ शुक्रबार
  • Tuesday, 23 July, 2024
२o८o मङ्सिर १ शुक्रबार १३:१५:oo
Read Time : < 1 मिनेट
समाचार डिजिटल संस्करण

एकताबद्ध भएर प्रतिगामी षड्यन्त्र परास्त गर्छौँ : प्रधानमन्त्री 

Read Time : < 1 मिनेट
नयाँ पत्रिका
२o८o मङ्सिर १ शुक्रबार १३:१५:oo

प्रधानमन्त्री पुष्पकमल दाहाल ‘प्रचण्ड’ले जनप्रतिनिधिमा आएको अधिकार खोस्ने षड्यन्त्र भइरहेको बताएका छन्। 

तनहुँले आज आँबुखैरेनीमा आयोजना गरेको भेटघाट कार्यक्रममा उनले विभिन्न रूपमा हुने षड्यन्त्रविरुद्ध सबै दल एकजुट हुनुपर्नेमा जोड दिए।  

प्रधानमन्त्री प्रचण्डले भने, ‘संविधानविरुद्ध षड्यन्त्र भइरहेको छ। एकथरी तत्व कुनै न कुनै रूपले देशमा अराजकता सिर्जना गर्ने अभियानमा लागिरहेका छन्। प्रतिगमनका निम्ति मलजल गरिरहेका छन्।’

परिवर्तनको रक्षाका निम्ति र देशको सुरक्षाका निम्ति सरकार दृढ रहेको बताउँदै प्रधानमन्त्री प्रचण्डले गठबन्धनमाथि खतरा नरहेको दाबी गरे। 

उनले भने, ‘नेपालमा उत्पीडित वर्ग, जाति, क्षेत्र, समुदायले पाएका हकअधिकार खोस्ने र जनताका प्रतिनिधिको हातमा आएको सत्ता खोस्ने षड्यन्त्रलाई चिर्दै अगाडि बढ्छौँ।’ 

सामन्तको हातमा सत्ता लैजाने दुस्साहस गरिएको उनको भनाइ थियो। पार्टीले जनताका घरघरमा पुग्ने कार्यक्रमसहित रूपान्तरण अभियान अगाडि बढाएको भन्दै प्रधानमन्त्री दाहालले भने, ‘गण्डकी प्रदेशमा यो अभियान ठीक ढंगले अगाडि बढेको छ। अभियानलाई एक महिना विस्तार गरिएको छ।’

प्रधानमन्त्री प्रचण्डले पार्टी पुनर्निर्माणको विशेष अभियानमा रहेको बताउँदै देशैभरि जनतासँग माओवादी अभियान जनतामाझ माओवादी र देशका लागि औपचारिक अभियान मात्र नरहेको र रणनीतिक अभियानको हिस्सा रहेको बताए।