- वि.सं २o८o कार्तिक २२ बुधबार
नेकपा एमालेले आगामी १४ मंसिरदेखि पुष्पलाल मध्यपहाडी लोकमार्गकेन्द्रित तीनहप्ते विशेष अभियान सञ्चालन गर्ने भएको छ।
केन्द्रीय सचिवालयको बुधबारको बैठकले विशेष अभियान चलाउने निर्णय गरेको उपमहासचिव प्रदीप ज्ञवालीले बताए।
उनले पहाडको समस्याको पहिचान गरी समृद्धिको अभियान चलाउने, सामाजिक सदभाव र राष्ट्रिय एकता बलियो बनाउने र कम्युनिस्ट पार्टी स्थापनाको ७५औँ वर्ष प्रवेशका अवसरमा इतिहास स्मरण गर्दै विभिन्न सन्देश प्रवाह गर्ने उद्देश्यले अभियान सञ्चालन गरिने जानकारी पनि दिए।
