- वि.सं २o८o कार्तिक २१ मंगलबार
नेपाल पुलिस क्लबले प्रथम वीरगन्ज गोल्डकप फुटबल प्रतियोगिताको सेमिफाइनलमा स्थान पक्का गरेको छ ।प्रतियोगिताको सोमबार पुलिसले कोलकाताको क्लाइभ हाउस डमडमलाई ७–१ ले हराउँदै अन्तिम चारको स्थान पक्का गरेको हो ।
आदर्शनगर खेलमैदानमा पुलिसले पाहुना टोलीमाथि सुरुदेखि नै दबाब राखेको थियो । पुलिसले पहिलो हाफमा पाँच गोलको अग्रता लिएको थियो ।
पुलिसले खेलको २३औँ मिनेटमा प्रताप गुरुङको गोलसँगै १–० को अग्रता लियो । खेलको ३१औँ मिनेटमा पुलिसले २–० को अग्रता लियो । यसपटक पनि प्रतापले नै गोल गरे । खेलको ३३औँ मिनेटमा प्रतापले थप एक गोल गर्दा पुलिस ३–० ले अघि रह्यो । प्रतापले पनि १० मिनेटको अन्तरमा प्रतियोगितामा आफ्नो पहिलो ह्याट्रिक पूरा गरे ।
कोलकाता खेलको ३५औँ मिनेटमा ४–० ले पछि रह्यो । यसपटक पुलिसका लागि विवेक सन्तोषीले गोल गरे । फर्ममा देखिएका स्ट्राइकर प्रतापले मध्यान्तरपछि थप दुई गोल गरे । उनले खेलको ६१औँ र ६२औँ मिनेटमा गोल गरेका हुन् ।
