Skip This
१५औँ संस्करणको काठमाडौं म्याराथन शनिबार (आज) हुँदै छ । प्रतियोगिताको सम्पूर्ण तयारी पूरा भएको आयोजकले जनाएको छ । म्याराथनअन्तर्गत फुल म्याराथन ४२.१९५ किमि, हाफ म्याराथन, पाँच किमि, खुला, स्कुल, फ्यामिली रन गरी विभिन्न विधामा प्रतिस्पर्धा हुनेछ ।
म्याराथनमा १२ जना, हाफ म्याराथनमा १६ र पाँच किमि ओपनमा तीनजना गरी ३१ धावकले भाग लिनेछन् । यसपटक जर्मनीबाट सर्वाधिक चार धावकले भाग लिनेछन् । भारतबाट तीन, जापानबाट दुई, ब्राजिलबाट एकजनाले प्रतिस्पर्धा गर्ने आयोजकले जनाएको छ । समग्रमा २० राष्ट्रका ३० विदेशी धावकले प्रतिस्पर्धा गर्नेछन् ।
नेपालबाट सुशान्त डोटेलले हाफ म्याराथनमा प्रतिस्पर्धा गर्नेछन् । यसपटक म्याराथनतर्फ पुरुष र महिला विजेताले समान एक लाख पाउनेछन् । उपविजेताले ५० हजार र तेस्रो स्थानकाले २५ हजार प्राप्त गर्नेछन् ।
म्याराथनमा सहभागी सबै खेलाडीहरूको एकदिने बिमा गरिएको छ । म्याराथन दौड त्रिपुरेश्वरबाट सुरु भई सहरका विभिन्न भाग परिक्रमा गरी सोही ठाउँमा पुगेर सम्पन्न हुनेछ । अन्तर्राष्ट्रिय म्याराथन चलिरहँदा सवारीसाधन नचलाउन आग्रह गरेको छ ।
