- वि.सं २०८० मङ्सिर १४ बिहीबार
करिब एक महिनापछि प्रतिनिधिसभा बैठक सुरु भएकाे छ। कार्यव्यवस्था परामर्श समितिको आजको बैठकमा आज दलहरूबीच भएको सहमतिबारे उपप्रधान एवं रक्षामन्त्री पूर्णबहादुर खड्काले सदनसमक्ष जानकारी गराउने कार्यसूची तय भएको छ।
यस्तै बैठकले एक घन्टा ३० मिनेटको विशेष समयमा दलीय आधारमा सांसदहरूले बोल्ने समय निर्धारण गरेको छ।
सभामुख देवराज घिमिरेले झन्डै एक महिनादेखि अवरुद्ध संसद् खुलाउन दलहरूबीच भएको सहमतिप्रति खुसी प्रकट गरे। उनले भने, ‘आजको सहमतिले सदन अवरोध खुलाउन पनि दलहरूबीच नै सहमति हुनुपर्ने कुराले प्रस्ट पारेको छ। संसदीय गरिमालाई उचो राख्न सबैले प्रयत्न गरौँ, म पनि गर्छु, माननीयहरूले पनि गर्नुपर्छ भन्ने मलाई लाग्दछ।’
