Skip This
सिटिजन्स बैंक इन्टरनेसनल लिमिटेडका ग्राहकले ललितपुरको पुल्चोकमा रहेको ओरो प्लस डेन्टल क्लिनिकमा छुट पाउने भएका छन् । बैंकका ग्राहकलाई छुट दिने विषयमा बैंक र क्लिनिकबीच सम्झौता भएको हो ।
सम्झौताअनुसार सिटिजन्स बैंकका कार्डवाहक ग्राहकले ओरो प्लस डेन्टल क्लिनिकमा १० प्रतिशतसम्म छुट पाउनेछन् । यस किसिमको सहकार्यबाट बैंकका ग्राहक लाभान्वित हुनुका साथै नगद कारोबारबाट डिजिटल कारोबारतर्फ उत्प्रेरित हुने बैंकले विश्वास व्यक्त गरेको छ ।
बैंकले डिजिटल बैंकिङ माध्यमको प्रयोग बढाउन र ग्राहकलाई डिजिटल माध्यमबाट भुक्तानी गर्न प्रोत्साहन गर्न समय–समयमा यस्ता ग्राहकमैत्री सुविधा सञ्चालनमा ल्याउने गरेको कम्पनीको भनाइ छ ।
बैंकले हाल देशभरमा एक सय ८८ शाखा, एक सय ४७ एटिएम तीन विस्तारित काउन्टर र ९७ वटा शाखारहित बैंकिङ इकाइमार्फत सेवा दिइरहेको जनाएको छ ।
