Skip This
सय किलो सुन तस्करीमा संलग्न रहेको भनिएका दुई चिनियाँ नागरिक त्रिभुवन अन्तर्राष्ट्रिय विमानस्थलबाट पक्राउ परेका छन् । बेइजिङ उड्न लागेका उनीहरूलाई आज बिहान पौने ६ बजे विमानस्थल अध्यागमन कार्यालयले नियन्त्रणमा लिएर सिआइबीलाई जिम्मा लगाएको छ । पक्राउ पर्नेमा लिी जियालिन र ली फुयान छन् ।
हिमालयन एयरलाइन्सको एच ९६६५ नम्बरको उडानबाट उनीहरू चीन प्रस्थान गर्न लागेका थिए । उनीहरूले सवा ७ बजेको टिकट बुक गरेका थिए । यससँगै सुन तस्करी प्रकरणमा पक्राउ पर्ने चिनियाँको संख्या तीन पुगेको छ । यसअघि ४ गते एकजना चिनियाँ पक्राउ परेका थिए ।
आज पक्राउ परेका दुई चिनियाँ यसअघि नै अध्यागमनको कालोसूचीमा थिए । कालोसूचीमा रहेका आधारमा उनीहरूलाई नियन्त्रणमा लिइएको हो । सुन तस्करीमा आशंका गरिएका अझै सातजना चिनियाँ अध्यागमनको कालोसूचीमा छन् ।
