सार्वजनिक जग्गा हडपेर निर्माण गरिएका संरचनामा काठमाडौं महानगरपालिकाले डोजर चलाएको छ। वडा नम्बर १० देवीनगरमा सार्वजनिक जग्गा अतिक्रमण गरेको भन्दै महानगरले भद्रकुमारी घले सेवा सदनका संरचनामा डोजर चलाएको हो।
बागमती किनारका सुकुमबासी तथा अव्यवस्थित बसोवास हटाउने क्रममा विरोध भएपछि रोकिएको अभियान महानगरले पुनः सुरु गरेको छ। देवीनगर क्षेत्रमा महानगरले यसअघि भत्काएका संरचनालाई पुनः मर्मत गरी बसोवास गरिरहेका छन्।