१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८o असार २२ शुक्रबार
  • Tuesday, 25 June, 2024
२o८o असार २२ शुक्रबार o९:४४:oo
Read Time : < 1 मिनेट
ad
ad
ad
ad
समाचार प्रिन्ट संस्करण

लगनखेलबाट प्रहरी कार्यालय हटाउन लागिएको विरोधमा महानगरपालिका घेराउ 

Read Time : < 1 मिनेट
नयाँ पत्रिका
२o८o असार २२ शुक्रबार o९:४४:oo

ललितपुर महानगरपालिकाले लगनखेलस्थित प्रहरी कार्यालय हटाएर व्यापारिक भवन बनाउन लागेको विरोधमा स्थानीयवासीले महानगरपालिका कार्यालय घेराउ गर्ने निर्णय फिर्ता लिन दबाब दिएका छन् । सरकारी जग्गामा व्यापारिक भवन बनाउन नहुने र बसपार्कबाट प्रहरी चौकी हटाउन नहुने स्थानीयको माग छ । 

बिहीबार सयौँको संख्यामा स्थानीय जम्मा भएर महानगरपालिका कार्यालय घेराउ गर्दै ठेक्का बदर गर्न माग गरेका छन् । महानगरपालिकाले केही व्यापारीको स्वार्थमा सरकारी जग्गामा व्यापारिक कम्प्लेक्स बनाएर प्रहरी कार्यालयलाई गल्लीभित्र सार्न लागेको उनीहरूको आरोप छ । यसरी प्रहरी कार्यालय सार्दा लगनखेल क्षेत्रको शान्ति सुरक्षामा असर पर्ने उनीहरूको भनाइ छ ।  

लगनखेल बसपार्कसँगै जोडिएको करिब तीन रोपनी जग्गामा महानगरपालिकाले व्यापारिक कम्प्लेक्स बनाउने निर्णय गरेको थियो । जहाँ रहेको १२ नम्बर वडा कार्यालय हटाइएको छ भने प्रहरी कार्यालय पनि हटाउन दबाब दिइएको छ । तर, स्थानीयले प्रहरी कार्यालय नहटाउन माग गरेका छन् । व्यापारी केबी महर्जनको सो जग्गासँगै अर्काे जग्गा भएको र सो जग्गालाई बाटो ठूलो बनाउनकै लागि व्यापारिक कम्प्लेक्स बनाउन लागिएको भन्दै स्थानीयले अख्तियार दुरुपयोग अनुसन्धान आयोगमा उजुरीसमेत दिएका छन् । 

महानगरपालिकाले गत भदौमा सो जग्गामा व्यापारिक कम्प्लेक्स बनाउने सम्झौता गरेको थियो । तर, वडा प्रहरी कार्यालय हटाउन सकेको छैन । सो कार्यालय हटाउनका लागि भन्दै १९ वैशाखमा महानगरपालिकाले प्रहरी महानिरीक्षक वसन्तबहादुर कुँवरलाई समेत लगेर हस्ताक्षर गराएको थियो । भवन खाली गराउन प्रहरीलाई निरन्तर दबाब दिइएको छ । तर, स्थानीयको विरोधका कारण भवन खाली हुन सकेको छैन ।  

ललितपुर महानगरपालिकाका मेयर चिरिबाबु महर्जनले भने नियमअनुसार नै त्यहाँ भवन बनाउन लागिएको र भवन बनेपछि प्रहरी कार्यालय त्यहीँ राखिने भएकाले विरोध नगर्न भनेका छन् । 
 

ad
ad
ad
ad