- वि.सं २o८१ जेठ ५ शनिबार
दाँत स्वस्थ हुन मुख स्वस्थ हुनुपर्छ । मुखबाट खाएको खानेकुरा नै शरीरमा पुग्ने हो । त्यसले मुख स्वस्थ नहुँदा विभिन्न शारीरिक समस्या देखिन सक्छन् । मुखलाई स्वस्थ राख्न हामीले केही कुरामा ध्यान दिनुपर्छ । खानपिन र जीवनशैली राम्रो हुनुपर्छ ।
ब्रस गरेर मात्रै मुख सफा हुँदैन । अधिकाशंलाई ब्रस गरेपछि मुख सफा हुन्छ भन्ने भ्रम छ । तर, हामीले खानेकुरामा ध्यान दिनुपर्छ । प्याकेजिङ गरेको खानेकुरा खानुहुँदैन । धूम्रपान पान तथा मद्यपानबाट टाढा रहनुपर्छ । गुलियो तथा चिनीजन्य खानेकुरा कम खानुपर्छ । खाइहाले पनि तत्कालै ब्रस गर्नुपर्छ । गुलियोले मुख, गिजा तथा दाँतमा विभिन्न समस्या निम्त्याउँछ ।
दाँत स्वस्थ राख्नका लागि कम्तीमा तीनदेखि ६ महिनामा यसको चेक गर्न आवश्यक छ । नियमित चेकअप गर्दा डाक्टरले मुख तथा दाँतमा देखिएका समस्याको पहिचान समयमै गर्न सक्छन् ।
राति सुत्नुअघि र बिहान उठेपछि ब्रस अनिवार्य गर्नुपर्छ । दाँतको पाँच भाग नै सफा हुने गरी राम्ररी गर्नुपर्छ । सफ्ट ब्रसको प्रयोग गर्नुपर्छ । जीवनशैली राम्रो बनाउनका लागि शारीरिक रूपमा सक्रिय हुनुपर्छ । व्यायाम, योग गर्न सकिन्छ ।
