सर्वोच्चको अन्तरिम आदेशसँगै चलाउनेले तोडे अनशन

Read Time : < 1 मिनेट

नयाँ पत्रिका, काठमाडाैं

नयाँ पत्रिका

२o८१ जेठ १ मंगलबार १४:१७:oo

त्रिभुवन विश्वविद्यालयका उपप्राध्यापक प्रेम चलाउनेले पाँच दिनदेखि जारी अनशन तोडेका छन्। सर्वोच्च अदालतले सरकारको निर्णय कार्यान्वयन नगराउन बिहीबार अन्तरिम आदेश दिएसँगै चलाउनेले शुक्रबार अनशन तोडेका हुन्।

२० असोज ०७७ मा चलाउनेमाथि विद्यार्थी नेताहरू योगेन्द्र रावल, हरि आचार्यलगायतले योजनाबद्ध आक्रमण गरेको विषयमा काठमाडौं जिल्ला अदालतमा ज्यान मार्ने उद्योग कसुरमा मुद्दा चलिरहेको छ । तर, सरकारले चलाउनेको पक्षबाट मुद्दा फिर्ता लिने निर्णय गरेपछि चलाउने सर्वोच्च पुगेका थिए।

न्यायाधीश मनोजकुमार शर्माको इजलासले सरकारको निर्णय कार्यान्वयन नगराउन अल्पकालीन अन्तरिम आदेश दिएसँगै चलाउनेले अनशन तोडेका हुन्।