- वि.सं २०८० असोज ६ शनिबार
काठमाडौं महानगरपालिकाले गोदाममा सञ्चालित मिठाई पसलमा ताला लगाएको छ। नगर प्रहरी बलले काठमाडौं महानगर–२७ भोटाहिटीमा रहेको आरके मिठाई पसलमा ताला लगाएको हो।
नक्सामा गोदाम भनी राखिएको उक्त स्थानमा मिठाई पसल सञ्चालन गरिएकाले महानगरले ताला लगाएको हो। केही दिन पहिले पनि नगर प्रहरीले बन्द गराएको थियो। तर, पसलधनीले अटेरी गरी पुनः सञ्चालन गरेको पाइएपछि जनप्रतिनिधिको रोहबरमा नगर प्रहरीले पुनः ताला लगाएको हो।
