- वि.सं २o८o जेठ ८ सोमबार
रामेछापको लिखु तामाकोसी गाउँपालिका– २ सैपुको सिरिसेस्थित लिखु नदीमा माछा मार्ने क्रममा करेन्ट सर्ट हुँदा एक युवकको घटनास्थलमै ज्यान गएको छ।
सोमबार दिउँसो लिखु नदीमा माछा मार्ने क्रममा करेन्ट सर्ट हुँदा २९ वर्षीय सुवास कार्कीको ज्यान गएको हो। नदीमा नुहाएपछि उपकरण प्रयोग गरेर माछा मार्ने क्रममा करेन्ट सर्ट हुँदा उनकाे घटनास्थलमै मृत्यु भएको हो।
करेन्ट लागेर छटपटाइरहेको देखेपछि अर्का एक युवकले स्थानीय र प्रहरीमा खबर गरेका थिए। स्थानीय र प्रहरी घटनास्थल पुग्दा उनको ज्यान गइसकेको प्रहरी चौकी सिरिसेले जनाएको छ।
