सिंहदरबारभित्रको फोहोर [तस्बिरहरू]

Read Time : < 1 मिनेट

संजित परियार, काठमाडाैं

नयाँ पत्रिका

२o८१ बैशाख २५ मंगलबार १४:३७:oo

काठमाडौं महानगरपालिकाले सिंहदरबार क्षेत्रको फोहोर उठाउन छाडेको छ । आइतबार बिहानदेखि महानगरले सिंहदरबारभित्रको फोहोर उठाउन छाडेको हो ।

शुक्रबार गैरीगाउँस्थित बागमती करिडोरमा बनेका अवैध संरचना भत्काउन जाँदा गृह मन्त्रालय र सहरी विकास मन्त्रालयले असहयोग गरेको भन्दै मेयर बालेन्द्र साहले सिंहदरबारको फोहोर नउठाउने घोषणा गरेका थिए ।

सिंहदरबार क्षेत्र काठमाडौं महानगरपालिका– ११ वडाभित्र पर्छ । महानगरसँग अनुमति लिएर यहाँको फोहोर परिवर्तन सेवा नेपाल भन्ने निजी संस्थाले उठाउँदै आएको छ ।

मेयर साहको घोषणाबमोजिम वडा कार्यालयले पनि सिंहदरबारको फोहोर नउठाउन निजी कम्पनीलाई निर्देशन दिएको छ । महानगरका अनुसार सिंहदरबारभित्र कुहिने र नकुहिने गरी दैनिक सात टन (एक टिपर) फोहोर संकलन हुन्छ ।