- वि.सं २o८१ बैशाख २५ मंगलबार
अर्थमन्त्री डा. प्रकाशशरण महतले अन्तर्राष्ट्रिय मुद्रा कोष (आइएमएफ) नेपाल एसिया प्यासिफिक विभागकी आवासीय प्रतिनिधि टेरेसा डबान सानचेज र विश्व बैंकमातहतको अन्तर्राष्ट्रिय वित्त निगम (आइएफसी) नेपालका आवासीय प्रतिनिधि बाबाकार सेदिख फायेसँग छलफल गरेका छन् ।
छलफल सिंहदरबारस्थित अर्थमन्त्रालयमा भएको हो । भेटमा अर्थमन्त्री डा. महतले नेपालको वित्तीय क्षेत्र सुदृढीकरणमा आइएमएफ र आइएफसीसँगको योगदानको चर्चा गरेका थिए । उनले विगतदेखि नै सहकार्य हुँदै आएको भन्दै आगामी दिनमा अझ सशक्तढंगले अघि बढ्न सक्ने विश्वास व्यक्त गरे ।
आइएमएफ र आइएफसीका प्रतिनिधिले नेपालको वित्तीय क्षेत्र सुदृढीकरणमा थप सहयोग गर्न तयार रहेको प्रतिबद्धता व्यक्त गरेका थिए ।
