मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८१ बैशाख २ आइतबार
  • Sunday, 14 April, 2024
नयाँ पत्रिका काठमाडाैं
२०७९ चैत १३ सोमबार १०:२२:००
Read Time : < 1 मिनेट
मुख्य समाचार डिजिटल संस्करण

कांग्रेस नेता सिंहको प्रश्न– आदर्श र मूल्य–मान्यताको राजनीति बिर्सिएका त छैनौँ ?

Read Time : < 1 मिनेट
नयाँ पत्रिका, काठमाडाैं
२०७९ चैत १३ सोमबार १०:२२:००

नेपाली कांग्रेसका नेता प्रकाशमान सिंहले संस्थापक नेताहरूले देखाएको बाटोमा वर्तमान कांग्रेस नेताहरू हिँड्नुपर्ने बताएका छन् । सोमबार काठमाडौंमा पूर्वमन्त्री स्व. नवीन्द्रराज जोशीको सालिक अनावरण कार्यक्रममा बोल्दै नेता सिंहले मूल्य–मान्यता र आदर्शको राजनीतिमा नेताहरू हिँड्न आवश्यक रहेको बताएका हुन् ।

उनले ०४६ सम्म मूल्य–मान्यता र आदर्शको राजनीतिमा बढी जोड समाज र दलहरूले दिएको उल्लेख गर्दै ०४६ को परिवर्तनपछि संस्थापक नेताहरूले देखाएको बाटोमा कांग्रेस नेताहरू कत्तिको हिँडेका छौँ भन्ने कुराको मनन गर्न आवश्यक रहेको बताए ।

उनले शक्तिकेन्द्रित राजनीतिमा आफ्नो सिद्धान्तको ख्याल गरिएको छ कि छैन भन्ने कुरामा सोच्न जरुरी रहेको बताए। नेता सिंहले  स्व. जोशीले देशमा प्रजातन्त्र ल्याउन र पुनर्वहाली गराउन गरेको देन समाजले सम्झिरहने बताए ।