मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १५ बिहीबार
  • Thursday, 28 March, 2024
नयाँ पत्रिका काठमाडौं
२०७९ चैत ११ शनिबार ०७:४३:००
Read Time : < 1 मिनेट
खेलकुद प्रिन्ट संस्करण

द हन्ड्रेड बलमा सन्दीप बिकेनन्

Read Time : < 1 मिनेट
नयाँ पत्रिका, काठमाडौं
२०७९ चैत ११ शनिबार ०७:४३:००

इंग्ल्यान्डमा आयोजना हुने द हन्ड्रेड बल क्रिकेट प्रतियोगितामा नेपालका लेग स्पिनर सन्दीप लामिछाने लगातार दोस्रोपटक अनसोल्ड

नेपाली राष्ट्रिय क्रिकेट टोलीका पूर्वकप्तान तथा लेग स्पिनर सन्दीप लामिछाने इंग्ल्यान्डमा आयोजना हुने ‘द हन्ड्रेड बल’मा बिकेनन् । सन्दीपसँगै अन्तिम ड्राफ्टमा परेका नेपालका विकेटकिपर ब्याट्सम्यान अर्जुन साउद पनि द हन्ड्रेड बलमा छनोट भएनन् । बिहीबार राति तेस्रो द हन्ड्रेड बल क्रिकेट प्रतियोगिताका खेलाडी किनबेच भएको थियो । 

आइसिसी विश्वकप क्रिकेट लिग–२ मा उत्कृष्ट प्रदर्शन गरेका सन्दीप पहिलो संस्करणको द हन्ड्रेड बलमा अनुबन्ध भएका थिए । सन् २०२१ मा सन्दीपलाई ओभल इन्भिन्सबलले ६० हजार पाउन्डमा अनुबन्ध गरेको थियो । यद्यपि, भिसाको समस्याका कारण सन्दीप प्रतियोगितामा सहभागी हुन पाएनन् । 

अन्तर्राष्ट्रिय टी–२० फ्रेन्चाइज लिगमा सन्दीपले नेपालको प्रतिनिधित्व गरी उत्कृष्ट प्रदर्शन गरेका छन् । उनी विश्वकै चर्चित इन्डियन प्रिमियर लिग (आइपिए), अस्ट्रेलियाको बिगबास लिग तथा क्यारेबियन लिगमा खेलिसकेका छन् । सन्दीप दोस्रो र तेस्रो संस्करणको द हन्ड्रेड बलको अक्सनमा पनि अनसोल्ड भएका छन् । यसपटक द हन्ड्रेडको ड्राफ्टमा तीन सय ६८ जना खेलाडी थिए ।