मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८१ बैशाख ७ शुक्रबार
  • Friday, 19 April, 2024
रासस क्यानबेरा
२०७९ चैत ३ शुक्रबार १३:२७:००
Read Time : < 1 मिनेट
विश्व डिजिटल संस्करण

अस्ट्रेलियाले अमेरिकासँग टोमाहक क्षेप्यास्त्र खरिद गर्ने

Read Time : < 1 मिनेट
रासस, क्यानबेरा
२०७९ चैत ३ शुक्रबार १३:२७:००

अस्ट्रेलियाले संयुक्त राज्य अमेरिकाबाट दुई सय २० ‘टोमाहक क्रुज मिसाइल खरिद’ गर्ने भएको छ । अमेरिकी विदेश मन्त्रालयले शुक्रबार क्रुज मिसाइल बिक्रीको स्वीकृति दिएको हो । 

एसिया–प्रशान्त क्षेत्रमा चीनको प्रभाव बढेकामा चिन्ता व्यक्त गर्दै अस्ट्रेलियाले आफ्ना हतियार भण्डार आधुनिकीकरण गर्न तथा सामरिक सामर्थ्य वृद्धि गर्न अमेरिकासँग आणविक शक्तिबाट सञ्चालन हुने पनडुब्बी खरिद गर्ने घोषणा गरेको केही दिनपछि टोमाहक क्रुज मिसाइल किन्ने निर्णय सार्वजनिक भएको छ । 

अस्ट्रेलियाका अधिकारीहरूले नयाँ आणविक शक्तिबाट चल्ने पनडुब्बीबाट टोमाहक मिसाइल प्रहार गर्न सहज हुने बताएका छन् । ९० करोड अमेरिकी डलर मूल्यबराबरका ती क्षेप्यास्त्रको आपूर्ति एरिजोनास्थित रेथियन मिसाइल एन्ड डिफेन्सले गर्नेछ ।

जापानले पनि गत महिना चिनियाँ प्रभाव बढ्न नदिने प्रयासस्वरूप आफ्नो सेनाको स्तरवृद्धि गर्ने योजना घोषणा गरेको थियो ।  सन् २०२६ सम्ममा चार सय टोमाहक क्रुज मिसाइल खरिद गरी रणनीतिक स्थानमा तैनाथ गर्ने योजना तर्जुमा गरिएको छ । 

अमेरिकाले प्रस्तावित टोमाहक मिसाइल बिक्रीबाट आफ्नो विदेश नीति तथा राष्ट्रिय सुरक्षा उद्देश्यमा असर नपर्ने जनाउँदै पश्चिमी प्रशान्त क्षेत्रमा आफ्नो सबैभन्दा महत्वपूर्ण सहयोगीमध्येको एक अस्ट्रेलिया भएको बताएको छ । 

अस्ट्रेलियाका रक्षामन्त्री रिचर्ड मार्लेसले पनि आफ्नो देशले अमेरिकासँग निकट सम्पर्कमा रहेर काम गर्ने बताएका छन् । लामो दूरीसम्म प्रहार गर्ने क्षेप्यास्त्र आफ्नो देशसँग रहेको सुनिश्चित गर्नु राष्ट्रका निम्ति महत्वपूर्ण भएको उल्लेख गर्दै उनले मुलुकको सुरक्षाका निम्ति त्यो अझ महत्वको विषय भएको बताएका छन् ।