- वि.सं २o७९ पौष २८ बिहीबार
अघिल्लो हप्ता लगातार उकालो लागेको सेयर बजार आज बिहीबार उच्च अंकले घटेर राताम्मे भएको छ। सेयर बजार परिसूचक नेप्से आज ४१ अंकले घटेर दुई हजार एक सय ४९ दशमलव ३९ बिन्दुमा ओर्लिएको छ।
आज सबै समूहको सेयर ओरालो लागेको छ। यसमा पनि बिमा, उत्पादन, माइक्रोफाइनान्स र जलविद्युत् समूहको सेयर उच्च अंकले घटेको छ। दुई सय ५२ वटा कम्पनीका एक करोड ४४ लाख ८२ हजार कित्ता सेयर किनबेच हुँदा पाँच अर्ब ४७ करोड ७६ लाख रुपैयाँबराबरको कारोबार भएको छ।
आज सबैभन्दा धेरै शिवम् सिमेन्टको २२ करोड र रिडी हाइड्रोको १८ करोड रुपैयाँको कारोबार भएको छ। समग्रमा बजार घटे पनि सिँगटी हाइड्रो र बाराही हाइड्रोको सेयर १० प्रतिशतले बढेको छ।
