- वि.सं २o८१ बैशाख ३० आइतबार
नबिल बैंक लिमिटेडले ग्रिन फाइनान्सिङलाई डिजिटलाइज गर्न अलोई प्राइभेट लिमिटेडसँग समझदारी गरेको छ । बैंकले अलोईको डिजिटल लोन र रिपेमेन्ट ट्र्याकिङ प्रणालीलाई प्रयोग गरी विद्युतीय व्यावसायिक सवारीसाधनलाई डिजिटल ऋण दिने सेवाहरूको प्रभावकारी रूपमा अन्वेषण, मूल्यांकन र सहकार्य गर्ने समझदारी गरेको हो ।
बैंकका वरिष्ठ नायब प्रमुख कार्यकारी अधिकृत सुजितकुमार शाक्य र अलोई प्राइभेट लिमिटेडकी सहसंस्थापक सोनिका मानन्धरले समझदारीपत्रमा हस्ताक्षर गरेको जनाइएको छ ।
वरिष्ठ सिइओ शाक्यले दिगो वित्त पोषणका रूपमा कमर्सियल इलेक्ट्रिक भेइकललाई सहज रूपमा ऋण प्रवाह गर्न यस प्रणालीले मद्दत पुग्ने बताए ।
