- वि.सं २o८१ बैशाख २५ मंगलबार
नेपाल पत्रकार महासंघ नुवाकोट शाखाले नयाँ पत्रिकामा कार्यरत संगीता पनेरुलाई महिला पत्रकारिता पुरस्कारबाट पुरस्कृत गरेको छ ।
सोमबार विदुरमा आयोजित शाखाको ११ औँ साधारण सभामा उनलाई सो पुरस्कार प्रदान गरिएको हो । त्यस्तै शेयर बजार साप्ताहिकको सम्पादकका रुपमा कार्यरत दिनेश आचार्यलाई दीर्घ सेवा सम्मान प्रदान गरिएको छ ।
२०६० सालदेखि कान्तिपुर टेलिभिजनको जिल्ला प्रतिनिधिको रुपमा कार्यरत श्रेष्ठलाई मोहनविक्रमध्वज जोशी स्मृति पत्रकारिता पुरस्कार र नुवाकोट एफएमका स्टेशन म्यानेजरश्रीराम अधिकारीलाई रामकृष्ण प्रधान स्मृति पत्रकारिता पुरस्कारबाट पुरस्कृत गरिएको हो ।
पुरस्कृत तीनवटै पुरस्कारको राशी ११ हजार एक सय ११ रुपैयाँ रहेको छ ।पत्रकार मोहनविक्रमध्वज जोशी स्मृति पत्रकारिता पुरस्कारको राशी सौजन्य डबलीखबर डटकमले गरेको थियाे । विन्दवासिनी बचत तथा ऋण सहकारी संस्था लिमिटेडले पत्रकार रामकृष्ण प्रधान स्मृति पत्रकारिता पुरस्कार र नुवाकोट पुकार साप्ताहिकले महिला पत्रकारिता पुरस्कारको सौजन्य गरेकाे अध्यक्ष कपिलदेव खनालले जानकारी दिए ।
