- वि.सं २o८१ बैशाख ३० आइतबार
राप्रपा अध्यक्ष तथा नवनिर्वाचित सांसद राजेन्द्र लिङ्देनले आज एकै दिन तीनवटा पुलको शिलान्यास गरेका छन्।
राप्रपा अध्यक्षसमेत रहेका उनले हल्दीबारी गाउँपालिकाको भुतेनी खोला, भुसुडी खोलामा बन्ने पक्की पुलको शिलान्यास गरेका हुन्।
५ मंसिर ०८१ मा निर्माण सम्पन्न गर्ने गरी सारा सृष्टि निर्माण सेवा प्रालि चार करोड ६७ लाख ९४ हजार ८७८ रुपैयाँमा तीनवटा पुलको ठेक्का लिएको हो। सम्झौतापछि ती पुल शिलान्यास गरिएको गाउँपालिका प्रमुख प्रशासकीय अधिकृत सुवास श्रेष्ठले जानकारी दिए।
पालिकाको वडा नं १ र ५ जोड्ने भुतेनी खोलामा ४२ दशमलव सात मिटर लम्बाइको, वडा नं ३ को भुसुडी खोलामा २६ दशमलव आठ मिटर लम्बाइको र भुसुडी खोलाकै अर्को स्थानमा २६ दशमलव आठ मिटर लम्बाइको पुल निर्माण हुने भएको छ।
