कतार विश्वकपअन्तर्गत सोमबार भएको सूह एचको दोस्रो खेलमा घानाले दक्षिण कोरियाविरुद्ध रोमाञ्चक जित निकालेको छ । मोहमोद कुडुसको दुई गोल मद्दतमा घानाले दक्षिण कोरियालाई ३–२ ले पराजित गरेको हो ।
जितपछि घानाले नकआउट चरणमा पुग्ने सम्भावना कायमै राखेको छ । एक समय कोरियाले तीन मिनेटको अन्तरमा दुई गोल गरेपछि खेल २–२ को अवस्थामा थियो ।
चो गुए सोङले तीन मिनेटभित्र दुई गोल गर्दै कोरियालाई खेलमा फर्काएका थिए । तर, मोहम्मद सालिसुले घानाका लागि थप एक गोल गरेपछि कोरिया महत्वपूर्ण ३ अंक घानालाई बुझाउन बाध्य भयो ।
पहिलो खेलमा पोर्चुगलसँग पराजित भएको घानाले आजको जितपछि महत्वपूर्ण तीन अंक बटुलेको छ । अब घाना दुई खेलबाट ३ अंकसहित दोस्रो स्थानमा उक्लिएको छ ।
पहिलो खेलमा उरुग्वेसँग बराबरी खेलेको कोरियाको भने यो पहिलो हार हो । दुई खेलबाट १ अंक मात्र रहेको कोरियाका लागि अन्तिम १६ को यात्रा कठिन बन्दै गएको छ ।