- वि.सं Invalid date format
स्मार्ट च्वाइस टेक्नोलोजिज लिमिटेड (एससिटी) पेमेन्ट कार्ड इन्डस्ट्री सेक्युरिटी स्ट्यान्डर्डस् काउन्सिल (पिसिआइएसएससी)को दक्षिण एसिया क्षेत्रीय बोर्ड सदस्यमा चयन भएको छ ।
बोर्डमा नेपालबाट चयन हुने एससिटी एक मात्र संस्था हो । एससिटीबाहेक गुगल इंक, नेसनल पेमेन्ट्स कर्पोरेसन अफ इन्डिया, युरोनेट युएसए एलएलसीजस्ता भुक्तानी क्षेत्रका संस्थाहरूको समेत बोर्डमा प्रतिनिधित्व रहेको छ ।
पिसिआइएसएससी विश्वव्यापी मञ्च हो, जसले अन्तर्राष्ट्रिय भुक्तानी सुरक्षाका मापदण्ड विकास र प्रवर्द्धन गर्दै भुक्तानी कारोबारमा हुने साइबर जोखिम र सुरक्षा जोखिम न्यूनीकरणमा सहयोग पुर्याउँदै आइरहेको छ ।
दक्षिण एसियामा पहिलोपटक गठन भएको यस क्षेत्रीय बोर्डमार्फत पिसिआइएसएससीले भुक्तानी क्षेत्रमा यस क्षेत्रको बढ्दो महत्वलाई प्रतिबिम्बित गर्दै विश्वव्यापी सहकार्यलाई थप विस्तार गरेको बताइएको छ ।
