- वि.सं २o८२ भदौ १३ शुक्रबार
हिमालय सेक्युरिटिज बैंकर लिमिटेड र चारतारे होटेल स्काइलाइन इन्फ्रा लिमिटेडबिच प्राथमिक सेयर सार्वजनिक निष्कासन (आइपिओ) तथा बिक्री प्रबन्धक सम्झौता भएको छ ।
सम्झौतापत्रमा हस्ताक्षर कार्यक्रममा हिमालय सेक्युरिटिजका प्रमुख कार्यकारी अधिकृत सुभाषबहादुर श्रेष्ठ, नायब महाप्रबन्धक शंकर राजवाहकका साथै स्काइलाइनका संस्थापकहरू राजेश अग्रवाल, सत्यनारायण केयल, सुभाष अग्रवाल उपस्थित थिए ।
त्यसैगरी, हिमालयकै तर्फबाट अध्यक्ष प्रतीक अग्रवाल, संस्थापक विनोद श्रेष्ठ, सञ्चालकहरू आकृति अग्रवाल, अंकुर भंगर अग्रवाल र प्रमुख वित्त अधिकृत सञ्जय रौनियारलगायतको पनि उपस्थिति रहेको थियो ।
यस सम्झौताले स्काइलाइनलाई नयाँ व्यावसायिक यात्रा तथा कम्पनीको विस्तारमा थप सहयोग पुर्याउने बताइएको छ । यो होटेल सरोवर पोर्टीको ब्रान्डअन्तर्गत चारतारे होटेल हो । त्यसैगरी, हिमालय सेक्युरिटिज मर्चेन्ट बैंकर संस्था हो । यसले मर्चेन्ट तथा इन्भेस्टमेन्ट्स बैंकिङ सेवा प्रदान गर्दै आएको छ ।
