मुख्य समाचारफ्रन्ट पेजसमाचारनयाँ यात्रा २०२५दृष्टिकोणअर्थअन्तर्वार्ताखेलकुदविश्वफिचरप्रदेश
  • वि.सं २o८२ भदौ १३ शुक्रबार
  • Friday, 29 August, 2025
नयाँ पत्रिका काठमाडौं
२o८२ भदौ १३ शुक्रबार १८:१५:oo
Read Time : < 1 मिनेट
समाचार

एआइजी शर्मा अवकाशमा 

Read Time : < 1 मिनेट
नयाँ पत्रिका, काठमाडौं
नयाँ पत्रिका
२o८२ भदौ १३ शुक्रबार १८:१५:oo

नेपाल प्रहरीका प्रहरी अतिरिक्त महानिरीक्षक (एआइजी) कृष्णहरि शर्माले अवकाश पाएका छन् । प्रहरी महानिरीक्षक दीपक थापाले शुक्रबार नेपाल प्रहरी प्रधान कार्यालयमा आयोजित कार्यक्रमबिच उनको बिदाइ गरेका हुन् । 

बिदाइ समारोहलाई सम्बोधन गर्दै प्रहरी महानिरीक्षक थापाले सेवानिवृत्त हुन लागेका प्रहरी अतिरिक्त महानिरीक्षक शर्माले संगठनबाट सुम्पिएको जिम्मेवारी उच्च व्यावसायिकता, संगठनप्रतिको निष्ठा, लगनशीलता र इमानदारिताका साथ सम्पन्न गरेको चर्चा गरे। सो अवसरमा प्रहरी महानिरीक्षक दीपक थापाले शर्मालाई मायाको चिनो प्रदान गरे। 

कार्यक्रममा सेवानिवृत्त हुन लागेका प्रहरी अतिरिक्त महानिरीक्षक कृष्णहरि शर्माले आफ्नो सेवा अवधिमा गरेका कार्यहरूको अनुभवसहितको मन्तव्य राखेका थिए । 
२७ कात्तिक २०५२ मा भर्ना भएका शर्माले ५६ वर्षे उमेरहदका कारण शनिबारदेखि अनिवार्य अवकाश  पाउन लागेका हुन् । उनकै ब्याचका चन्द्रकुवेर खापुङलाई शुक्रबार सरकारले आइजिपीमा नियुक्त गरेको छ ।