
सुनको मूल्यमा नयाँ कीर्तिमान कायम भएको छ । स्थानीय बजारमा बिहीबारको तुलनामा आज सुनचाँदीको मूल्य तोलामा एक हजार दुई सयले वृद्धि भएको छ भने त्यति नै परिमाणको चाँदी रु. पाँचले बढेको छ ।
नेपाल सुनचाँदी व्यवसायी महासंघका अनुसार आज एक तोला सुनको मूल्य दुई लाख ६ सय निर्धारण भएको छ । त्यति नै परिमाणको चाँदी रु. दुई हजार ३६० मा खरिद–बिक्री भइरहेको छ ।
हिजो बिहीबार एक तोला सुन रु. एक लाख ९९ हजार चार सयमा किनबेच भएको थियो भने त्यति नै परिमाणको चाँदी रु. दुई हजार ३५५ मा क्रय–विक्रय भएको थियो । अन्तर्राष्ट्रिय सञ्चारमाध्यमहरूका अनुसार आज प्रतिऔँस सुन तीन हजार ४०८ अमेरिकी डलरमा कारोबार भइरहेको छ ।