- वि.सं २o८२ भदौ २ सोमबार
राष्ट्रिय सूचना प्रविधि केन्द्रका तत्कालीन कार्यकारी निर्देशक सुनिल पौडेल सोमबार विशेष अदालतमा उपस्थित भएका छन्।
पौडेलको निवेदनमाथि विशेषका अध्यक्ष टेकनारायण कुँवर तथा सदस्यहरु रितेन्द्र थापा र विदुर कोइरालाको इजलासले आदेश गरेको हो।
गैरकानुनी लाभको मुद्दामा उनी उपस्थित भएकोमा ५० हजार रुपैयाँ धरौटी माग्ने आदेश भएको विशेषले जनाएको छ। गत ५ जेठमा अख्तियारले यो मुद्दा दायर गरेको थियो। यस मुद्दामा पौडेलका साथै निमबहादुर वली, रमेशप्रसाद पोखरेल, रामशरण गायक, म्याक्स इन्टरनेसनल प्रालि र अकबर हुसेन पनि प्रतिवादी छन्।
राष्ट्रिय सूचना प्रविधि केन्द्रबाट आर्थिक वर्ष ०७५/७६ मा भएको खरिद प्रक्रियामा भ्रष्टाचार भएको दाबीसहित मुद्दा दायर भएको छ। यस क्रममा सरकारलाई ५ करोड ८० लाख रुपैयाँ नोक्सानी भएको अभियोगपत्रमा छ।
