- वि.सं २o८२ श्रावण १८ आइतबार
प्रधानमन्त्री केपी ओलीले राष्ट्रपति रामचन्द्र पौडेलसँग शनिबार भेटवार्ता गरेका छन् ।
राष्ट्रपति भवन शीतलनिवासमा शनिबार भएको भेटमा प्रधानमन्त्री ओलीले तुर्कमेनिस्तानको अवाजा सहरमा आयोजना हुने भूपरिवेष्टित विकासशील राष्ट्रहरूको तेस्रो संयुक्त राष्ट्रसंघीय सम्मेलनमा नेपालको सहभागिताका बारेमा जानकारी गराएको राष्ट्रपतिको स्वकीय सचिवालयले जनाएको छ ।
प्रधानमन्त्री ओली आगामी २० देखि २३ साउनसम्म (५ देखि ८ अगस्ट २०२५) आयोजना हुने सम्मेलनमा सहभागी हुन त्यसतर्फ जाँदै छन् ।
