कोरोना संक्रमण पुष्टि भएका सुदूरपश्चिम प्रदेश सरकारका आन्तरिक मामिला तथा कानुनमन्त्री प्रकाशबहादुर शाहलाई थप उपचारका लागि काठमाडौं लगिएको छ ।
स्वास्थ्यमा असहजता आएपछि मन्त्री शाहलाई सिम्रिक एयरको हेलिकाेप्टरबाट शुक्रबार काठमाडौं लगिएको हो ।
गत साता उनमा कोरोना संक्रमण पुष्टि भएको थियो । संक्रमण देखिएपछि होम आइसोलेसनमा रहेका मन्त्री शाहको नाकबाट रगत बग्ने समस्या देखिएपछि बिहीबार सेती प्रादेशिक अस्पताल भर्ना गरिएको थियो । त्यहाँ परीक्षणपछि उनी बिहीबार नै होम आइसोलेसनमा फर्केका थिए ।
रक्तश्राव रोकिए पनि ज्वरो आइरहेकाले थप उपचारका लागि काठमाडौं लगिएको मन्त्री शाहको स्वकीय सचिव जंग विकले बताए । मन्त्री शाहलाई शिक्षण अस्पताल भर्ना गरिएको उनको सचिवालयले जनाएको छ ।
See More On
